კოალიციური ძალების მიერ ტერორისტულ ორგანიზაცია "ისლამური სახელმწიფოს" პოზიციებზე განხორციელებულ ავიაიერიშებს მშვიდობიან მოსახლეობას შორის მსხვერპლი მოჰყვა.

სირიაში, ალეპოს რეგიონში განხორციელებული შეტევის შედეგად 50–ზე მეტი ადამიანი დაიღუპა, მათ შორის 7 ბავშვი.

გავრცელებულ ინფორმაციას პენტაგონში არც უარყოფენ და არც ადასტურებენ. შეერთებული შტატების თავდაცვის უწყებაში აცხადებენ, რომ მომხდართან დაკავშირებით გამოძიება მიმდინარეობს.

სტატისტიკური მონაცემებით, კოალიციური ძალების ავიაიერიშებს საერთო ჯამში 2 ათასზე მეტი ადამიანი ემსხვერპლა, მათ შორის ათას 900–ზე მეტი ისლამისტი მებრძოლია.