ანკარის მერმა, მელიჰ გოქჩეკმა ბალტიმორში განვითარებული მოვლენების გამო, აშშ-ის სახელმწიფო დეპარტამენტის პრესსპიკერი, მერი ჰარპი „სულელ ქერად" მოიხსენია.

გოქჩეკმა, მას თურქეთში, ტაქსიმის მოვლენები და აშშ-ის კრიტიკული განცხადებები შეახსენა.

მან Twitter-ზე ერთ-ერთი სტატიის სათაური და ჰარპის ფოტო შემდეგი წარწერით დადო - „სად ხარ სულელო ქერავ, ვინ ამბობს რომ თურქეთის პოლიციამ გადამეტებული ძალა გამოიყენა?" პოსტს მერმა კომენტარიც დაურთო - „მოდი ქერავ, გვიპასუხე ".

ანკარის მერის პოსტის საპასუხოდ, თურქეთში აშშ-ის ელჩმა , ჯობ ბასმა ინსტაგრამზე ფოტო დადო, რომელზეც მისი თმები ღია ფერისაა. „დღეს ყველანი ქერები ვართ“ - წერს ბასი ფოტოს კომენტირებისას.

შეგახსენებთ, ბალტიმორის მოსახლეობა პოლიციის თანამშრომლებს ფერადკანიანი ბიჭის გარდაცვალებაში ადანაშაულებას და მთავრობას ზომების მიღებას სთხოვს.

ანალოგიური შემთხვევა დაფიქსირდა თურქეთშიც. ანტისამთავრობო აქციის დროს ტაქსიმის მოედანზე დაღუპული ბიჭის სიკვდილში თურქ სამართალდამცავებს ადანაშაულებენ. 2013 წელს ანტისამთავრობო აქციის დროს, ბერკინ ელვანს, პოლიციელის მიერ ნასროლი ცრემლსადენი გაზის ავზი თავში მაშინ მოხვდა,რის გამოც 9 თვის განმავლობაში კომაში იყო, ხოლო 2014 წლის მარტში კი გარდაიცვალა. ამ მოვლენების დროს აშშ-ის მაღალჩინოსნებმა თურქეთის ხელისუფლება მკაცრად გააკრიტიკა და დამნაშავის დასჯისკენ მოუწოდა.