ცნობილი ბრიტანელი ფიზიკოსი, სტივენ ჰოკინგი კაცობრიობისთვის მძიმე პროგნოზს აკეთებს. მისი თქმით, მომდევნო ათასი წლის განმავლობაში კაცობრიობას განადგურება ემუქრება.

„არ მგონია, რომ კაცობრიობა გადარჩეს, თუ მომდევნო1000 წლის განმავლობაში არ დატოვებს ჩვენს მყიფე პლანეტასდა ალტერნატიულ საცხოვრებელს არ მოიძიებს" - განაცხადა ჰოკინგმა სიდნეის ოპერის თეატრში სიტყვით გამოსვლისას.

ფიზიკოსის განცხადებით, კაცობრიობის გადასარჩენად, კოსმოსის შესწავლა უნდა გაგრძელდეს.

"აუცილებლად უნდა განვაგრძოთ კოსმოსის შესწავლა და სივრცის ათვისებაზე ვიფიქროთ" - განაცხადა ფიზიკოსმა.

მსგავსი განცხადება ჰოკინგმა წარსულშიც გააკეთა.

მისი თქმით, ადრე თუ გვიან ასტეროიდის შეჯახების ან თუნდაც ბირთვული ომის გამო, კატასტროფის აცილება შეუძლებელი გახდება. ამიტომ ტექნოლოგიური მიღწევების გამოყენებით სხვა პლანეტების ათვისება შესაძლებელი და აუცილებელი უნდა გახდეს. ჰოკინგის განცხადებით, კაცობრიობის მომავალი სივრცეშია.