- ამის შესახებ საქართველოს კინოკავშირის ხელმძღვანელმა, ელდარ შენგელაიამ და კინოკავშირისა და ეროვნული კინოცენტრის წარმომადგენლებმა დღეს გამართულ პრესკონფერენციაზე განაცხადეს და საქართველოს პარლამენტისთვის წარდგენილი "საქართველოს კინემატოგრაფისტთა შემოქმედებითი კავშირის" საკანონმდებლო ინიციატივასთან დაკავშირებით განმარტება გააკეთეს.

კინემატოგრაფისტების განცხადებით, კულტურისა და მეცნიერების კომიტეტის სხდომაზე არასწორად იქნა გაგებული და ჩამოყალიბებული კანონში ცვლილების არსი.

ამასთან, კინემატოგრაფისტებმა ნუკრი ქანთარიას მხრიდან არაობიექტურ დამოკიდებულებაზე ისაუბრეს და კომიტეტის სხდომის ვიდეო-ჩანაწერი წარმოადგინეს, სადაც დეპუტატი ქანთარია ელდარ შენგელაიას მოიხსენიებს ,,ნაციონალური მოძრაობის’’ აქტიურ წევრად მოიხსენიებს და აცხადებს, რომ სწორედ ,,ნაციონალური მოძრაობის’’ მმართველობის დროს იქნა საქართველოში ბევრი რამ განადგურებული, რაც ქართველ კინემატოგრაფს ეხებოდა.

როგორც თავად ელდარ შენგელაიამ აღნიშნა, ,,ნაციონალური მოძრაობის’’ხელისუფლებაში მოსვლის პერიოდში დანაპირები, რომელსაც ისინი ხალხს აძევდნენ მისღები იყო, თუმა იყო ბევრი უარყოფითი მოველებიც, რომლის მაგალითადაც ელდარ შენგელაიამ 7 ნოემბრის მოველნები მოიყვანა.

,,ვწუხვართ, რომ არ იყო სწორად გაგებული და ჩამოყალიბებული კანონპროექტის არსი. ასევე დისკუსიის მსვლელობის დროს ბატონ ნუკრი ქანთარიას მიერ გაჟღერდა მეტად სახიფათო იდეები კინოსექტორის მომავალი რეფორმირების შესახებ. სამწუხაროდ, უტაქტოდ და არაობიექტურად იყვნენ მოხსენიებული როგორც ბატონი ელდარ შენგელაია, ასევე კინოცენტრის თანამშრომლები და ზოგადად კინოცენტრის როგორც სტრუქტურის მოღვაწეობა’’,-განაცხადეს კინოს სახლში შეკრებილმა კინემატოგრაფისტებმა.

რაც შეეხება ნუკრი ქანთარიას მიერ გაჟღერებულ რეფორმირების პროექტს, კინემატოგრაფისტები მიიჩნევენ, რომ პროექტი ეროვნული კინოცენტრის გაერთიანების შესახებ კინოსტუდია ,,ქართულ ფილმთან’’ არსებული კანონის დარღვევაა.

,,ზოგადად ეს იდეა დღევანდელი რეალობის გათვალისწინებით აბსურდულად ჟღერს. საქართველოში არსებული დამოუკიდებელი სტუდიები აწარმოებენ დამოუკიდებელ პროდუქციას, რომელიც ყოველწლიურად ფინანსდება კინოცენტრის სუბსიდიით, კონკურსის საფუძველზე და მათ თანაბარი უფლება აქვთ მიიღონ ეს სუბსიდია, ისევე როგორც კინოსტუდია ,,ქართულ ფილმს’’. გარდა ამისა მსგავსი რეფორმა სრულ კოლაფსში ჩააგდებს ზოგადად სექტორს და მისი განვითარების პერსპექტივას. დღეს კინოსექტორი მუშაობს ევროპული მოდელის მიხედვით. ყველა ევროპულ ქვეყანაში, რომელთანაც ქართული დამოუკიდებელი მწარმოებლები შედიან კოპროდუქციაში, არსებობს ანალოგიური სტრუქტურა, რომელიც არეგულირებს ევროპული კონვენციის აღსრულებას’’, - აცხადებენ კინემატოგრაფისტები.