ვლადიმერ პუტინი უკრაინაში სამშვიდობო კონტიგენტის შეყვანას დათანხმდა.

გავრცელებული ინფორმაციით, გუშინ, გვიან ღამით „ნორმანდიულ ოთხეულს“ შორის სატელეფონო საუბარი შედგა. რუსეთის პრეზიდენტმა გერმანიის კანცლერთან, უკრაინისა და საფრანგეთის ლიდერებთან საუბრისას განაცხადა, რომ დონბასში საერთაშორისო სამშვიდობო კონტიგენტის შეყვანა დასაშვებად მიიჩნია.

ინფორმაციას, პუტინის პრესსპიკერი, დიმიტრი პესკოვიც გამოეხმაურა და აღნიშნა, რომ რუსეთი სამშვიდობოების შეყვანის იდეის წინააღმდეგი არასდროს ყოფილა. მისი თქმით, ამ შემთხვევაში, არც რუსეთის და არც მინსკის შეთანხების მონაწილე სხვა ქვეყნების თანხმობა არ არის მნიშვნელოვანი. მთავარია, ამაზე კონფლიქტის მონაწილე მხარეები შეთანხმდნენ.

უკრაინის ხელისუფლება გაეროსა და ევროკავშირისგან მოითხოვს დონბასში საერთაშოსირო მისიის განთავსებას დიდი ხანია მოითხოვს.

ხატია ლაღიძე