აშშ-ში საპროტესტო აქციები მასობრივ ხასიათს იღებს. ბალტიმორისა და ნიუ-იორკის შემდეგ, ფერადკანიანი ფრედი გრეის გარდაცვალება ფილადელფიაში გააპროტესტეს.

საპროტესტო აქცია დემონსტრანტებსა და პოლიციას შორის დაპირისპირებაში გადაიზარდა.

სამართალდამცავებმა, მთავარი მაგისტრალის გადაკეტვის მცდელობისთვის რამდენიმე დემონსტრანტი დააკავა. მოგვიანებით, დაკავებულთა გათავისუფლების მოთხოვნით, საპროტესტო აქციამ ფედერალურ ციხესთან გადაინაცვლა.

შეგახსენებთ, რამდენიმე დღეა ბალტიმორში საპროტესტო აქციები მიმდინარეობს. მოსახლეობა, ფერადკანიანი ფრედი გრეის გარდაცვალების ფაქტს აპროტესტებს და მომხდარში სამართალდამცველებს ადანაშაულებს. დემონტრაციებისა და არეულობების გამო ქალაქში კომენდატის საათი მოქმედებს.

შეგახსენებთ, ფერადკანიანი ფრედი გრეი პოლიციამ 12 აპრილს დააკავა. პოლიციის მიყენებული დაზიანებების გამო, დაკავებიდან დაკავებიდან ერთი კვირის შემდეგ საავადმყოფოში გარდაიცვალა. დაღუპულის ოჯახის წევრები ბრალს პოლიციას სდებენ და დამნაშავის დასჯას ითხოვენ.

გავრცელებული ინფორმაციით, ბალტიმორის პოლიციამ ფრედი გრეის გარდაცვალებასთან დაკავშირებით გამოძიება დაასრულდა და საქმე განსახილველად პროკურორს გადაეცა.

ხატია ლაღიძე