ევროპაში ნატოს სახმელეთო ძალების მეთაურის, გენერალ ფილიპ ბრიდლავის განცხადებით, რუსეთი „სიჩუმის რეჟიმს“ აღმოსავლეთ უკრაინაში ძალების გადაჯგუფებისა და შესაძლო თავდასხმისთვის იყენებს.

ამის შესახებ ბრიდლავმა აშშ-ის სენატში გამოსვლისას ისაუბრა.

გენერლის განცხადებით, ამერიკის შეერთებული ძალების სპეცსამსახურებს, უკრაინაში რუსეთის ქმედებებზე მონიტორინგის განხორციელების მეტი შესაძლებლობები უნდა ჰქონდეს.

მისი თქმით, უკრაინაში შექმნილი ვითარება არასტაბილურია.

ბრიდლავმა არაერთხელ განაცხადა, რომ დონეცკსა და ლუგანსკში დიდი რაოდენობით რუსი ჯარისკაცები იმყოფებიან, რომლებიც სეპარატისტებს წვრთნიან და ეხმარებიან.

რუსეთი ბრალდებებს არ ეთანხმება და უკრაინის კონფლიქტში მონაწილეობას უარყოფს.

ხატია ლაღიძე