ეროსი კიწმარიშვილის ოჯახის წევრები და ადვოკატები დღეს გამოძიების მიმდინარეობას გაეცნობიან. თბილისის პროკურატურაში ისინი სათვალთვალო კამერით გადაღებულ ვიდეო მასალას ნახავენ.

„გამოძიება ახორციელებს სატელეფონო ანძების შემოწმებას. საგამოძიებო მოქმედება მიმდინარეობს პირის იდენტიფიცირების კუთხით, რომელიც ვფიქრობთ, რომ გარკვეულ კითხვას ბადებს. ასევე მიმდინარეობს საგამოძიებო მოქმედება იარაღზე აღმოჩენილი დნმ-ის იდენტიფიკაციისთვის“, - განაცხადა გაგი მოსიაშვილმა.

შეგახსენებთ, ეროსი კიწმარიშვილის გარდაცვალების საქმეზე გამოძიება თვითმკვლელობამდე მიყვანის მუხლით მიმდინარეობს.