ჩრდილოეთ კორეის ლიდერი, კიმ ჩენ ინი 9 მაისს, მოსკოვში, მეორე მსოფლიო ომის დასრულების 70-ე წლისთავთან დაკავშირებით გამართულ ღონისძიებას არა დაესწრება.

ამის შესახებ განცხადება, ვლადიმერ პუტინის პრესსპიკერმა, დიმიტრმა პესკოვმა გააკეთა და განაცხადა, რომ კიმ ჩენი ინი „კორეის შიდა საქმებიის“ გამო მოსკოვში ჩასვლას ვერ მოახერხებს.

აღსანიშნავია, რომ რუსეთის პრეზიდენტის მოწვევის გაგზავნისთანაზე, კინ ჩენ ინმა ღონისძიებაზე დასწრებაზე თანხმობა განაცხადა, პესკოვის განცხადებამ კი რუსულ მედიაში ეჭვები გააჩინა.

პესკოვის განცხადებით, ამ ეტაპზე ღონისძიებაში მონაწილეობაზე დასტური 26-მა ქვეყანამ განაცხადა.

შეგახსენებთ, რუსეთის მიერ უკრაინაში განხორციელებული აგრესიის გამო, მოსკოვში ჩასვლაზე უარი ევროსაბჭოს პრეზიდენტმა, დონალდ ტუსკმა, გერმანიის კანცლერმა - ანგელა მერკელმა, დიდი ბრიტანეთის პრემიერ-მინისტრმა, დევიდ კემერონმა, აშშ-ის, საქართველის, ავსტრიის, მოლდოვას, ხორვატიის, შვედეთის, ჩერნოგორიის, ფინეთის, სლოვაკეთის, პოლონეთის, ლატვიისა და ლიტვის პრეზიდენტებმაც განაცხადეს. კურილიის საკითხთან არსებული დავის გამო, მოსკოვში არც იაპონიის პრემიერ-მინისტრი, სინძო აბე ჩავა.

ხატია ლაღიძე