რომის პაპი ფრანცისკი ქალებისა და მამაკაცების სახელფასო ანაზღაურებაში არსებული გასხვავების წინააღმდეგ გამოდის.

ამის შესახებ გამოცემა „როიტერი“ წერს.

„რატომ უნდა შევეგუოთ იმას, რომ ქალები მამაკაცებზე ნაკლებს გამოიმუშავებენ? მათ იგივე უფლებები გააჩნიათ, ამიტომ სახელფასო ანაზღაურებაში ასეთი განსხვავება რეალური სკანდალია“ - განაცხადა პაპმა.

მისი თქმით, ქრისტიანებმა მხარი უნდა დაუჭირონ თანაბარი შრომის თანაბარ ანაზღაურებას.

რომის პაპმა აღნიშნა, კათოლიკური ეკლესიის ცხოვრებაში ქალების მონაწილეობა უნდა გაიზარდოს.

ცნობისთვის, ევროკავშირში ქალები 16.4%-ით ნაკლებ ანაზღაურებას იღებენ, ვიდრე მამაკაცები.

ხატია ლაღიძე