საერთაშორისო ორგანიზაცია Freedom House-ის ანგარიშის მიხედვით, მედიის შემზღუდავმა კანონებმა და ჟურნალისტების წინააღმდეგ მიმართულმა ძალადობამ, 2014 წელს პრესის თავისუფლების მხრივ ვითარების გაუარესება გამოიწვია.

კვლევის თანახმად, პრესის თავისუფლების დონემ ბოლო ათწლეულის მანძილზე ყველაზე დაბალ ნიშნულს მიაღწია. კვლევა 197ქვეყანაში ჩატარდა. ანგარიშში, თითოეულ ქვეყანას 0-დან 197-მდე ქულა მიენიჭა. რაც უფრო დაბალია მაჩვენებელი, მით უფრო თავისუფალია მედია.

ანგარიშის მიხედვით, მსოფლიო მოქალაქეთა მხოლოდ 14 % სარგებლობს თავისუფალი პრესით. დანარჩენების აზრით, კი მედიაზე კონტროლს სახელმწიფო და სხვადასხვა ორგანიზაციები ახორციელებენ.

"ფრიდომ ჰაუსის" კვლევის თანახმად, საქართველი რეგიონში ერთ-ერთი ყველაზე თავისუფალ და მრავალფეროვან მედია-გარემოს წარმოადგენს. თუმცა არსებობს პოლიტიკური პოლარიზაციის, პოლიტიკოსებსა და მედიაკომპანიებს შორის მჭიდრო კავშირის პრობლემები.

რეიტინგში, საქართველოს 48 ქულა მიენიჭა და ნაწილობრივ თავისუფალი ქვეყნების სიაში მოხვდა.

ანგარიშის ნიხედვით, ყველაზე თავისუფალი მედია-გარემოს ქვეყნებს ნიდერლანდები, ნორვეგია, შვედეთი, ბელგია, ფინეთი და შვეიცარია წარმოადგენს. ხოლო ყველაზე რთული ვითარება ჩრდილოეთ კორეაში, უზბეკეთში, თურქმენეთსა და ბელორუსშია.

ხატია ლაღიძე