პარტია „თავისუფალი საქართველოს“ ლიდერი კახა კუკავა, ასევე პარტიის წევრი ბეჯან გუნავა და „რეფორმატორების“ლიდერი ირაკლი ღლონტი დააკავეს. ინფორმაცია „ნიუპოსტს“ შსს-ში დაუდასტურეს.

უწყების ინფორმაციით, ისინი ადმინისტრაციული სამართალდარღვევათა კოდექსის 166-ე და 173-ე მუხლის საფუძველზე არიან დაკავებული.

არსებული ინფორმაციით, ვაგზლის მოედნის მიმდებარე ტერიტორიაზე ისინი საპროტესტო აქციას მართავდნენ. როგორც ცნობილია, აქციაზე შეკრებილებმა გზის გადაკეტვა სცადეს, რა დროსაც პოლიციას წინააღმდეგობა გაუწიეს.