ზესტაფონის პოლიციის შენობის ეზოში 65 წლის მამაკაცი გარდაიცვალა. როგორც ცნობილია, მამაკაცი სამართალდამცველებმა ბაზრის ტერიტორიაზე იმის გამო დააჯარიმეს, რომ ავტომობილი აკრძალულ ადგილას გააჩერა, რასაც შელაპარაკება მოჰყვა. ამის შემდეგ მამაკაცი პოლიციის შენობაში გადაიყვანეს, სადაც ის მეუღლესთან ერთად იმყოფებოდა. ეზოში 65 წლის მამაკაცი მოულოდნელად შეუძლოდ გახდა. ადგილზე გამოძახებული იქნა სასწრაფო დახმარება, თუმცა მისი გადარჩენა ვერ მოხერხდა.

როგორც „ნიუპოსტს“ შინაგან საქმეთა სამინისტროში განუცხადეს, მომხდარზე საქმე სისხლის სამართლის კოდექსის 115-ე მუხლით არის აღძრული, რაც თვითმკვლელობამდე მიყვანას გულისხმობს.