ნეპალის ხელისუფლების გადაწყვეტილებით, დაავადების თავიდან აცილების მიზნით მიწისძვრის შედეგად დაღუპულთა მასობრივი კრემაცია დაიწყო.

ძლიერი მიწისძვრის შედეგად ქვეყანა საკვებისა და საწვავის დეფიციტს განიცდის, დაბინძურებულია სასმელი წყალი.

შეგახსენებთ, შაბათს ადგილობრივი დროით 11:56 საათზე, ნეპალში დამანგრეველი 7.9 მაგნიტუდის მიწისძვრა დაფიქსირდა, რომლის შედეგადაც დაიღუპა 4000-ზე მეტი, ხოლო დაშავდა 6944 ადამიანი. ბიძგები იგრძნობოდა ინდოეთსა და ჩინეთში, სადაც დაიღუპა 60, ხოლო დაშავდა 250-ზე მეტი ადამიანი.

მიწისძვრის შედეგად გამოწვეულმა ზვავმა ალპინისტების საბაზო ბანაკი მოიყოლა. რის შედეგადაც დაიღუპა 65, ხოლო დაშავდა 60-მდე ალპინისტი. დაღუპულთა შორის ერთერთი კომპანია Google-ის ტოპ-მენეჯერი, დანიელ ფრედინბურგია.

ნეპალში სამაშველო ოპერაციები ამ დრომდე გრძელდება.

ხატია ლაღიძე