გამოცემა იუწყება, რომ ამ ინფორმაციას სასჯელაღსრულების მეორე დაწესებულების სოციალური სამსახურის უფროსი ადასტურებს, ხოლო ინფორმაცია მომხდარი ფაქტის შესახებ გაზეთს უფლებადამცველმა და პარტია "მომავალი საქარტველოსთვის" თავმჯდომარემ გიორგი ლაღიძემ მიაწოდა.

გაზეთში აღნიშნულია, რომ პატიმარს ჩვეულებრივი ნემსით დაკემსილი ზურგი აქვს, ხოლო გიორგი ლაღიძე აცხადებს, რომ პატიმარი იმავე დაწესებულებაში მომუშავე პირს ადანაშაულებს.

პატიმარი სასჯელს ავტოსაგზაო შემთხვევის გამო იხდის, ხოლო შემთხვევის შედეგად დაზარალებულის ახლო ნათესავი სწორედ იმ დაწესებულებაში მუშაობს, სადაც პატიმარი იხდის სასჯელს.

გიორგი ლაღიძე: „პატიმარი აცხადებს, რომ მას 1 თვეა, აწუხებს კბილის ძლიერი ტკივილები და როდესაც ადმინისტრაციას, ან ექიმს წამალს სთხოვს, მას საპასუხოდ დასცინიან და წამალს არ აძლევენ. პატიმარი აცხადებს, რომ მას გაუსაძლის და ცუდ პირობებს უქმნიან, მას აქვს საფუძვლიანი ეჭვი, რატომ აყენებენ ცუდ პირობებში. ეს ადამიანი სასჯელს იხდის ავტოსაგზაო შემთხვევის, უბედური შემთხვევის გამო. ერთ-ერთი დაზარალებულის ნათესავი მუსაობს დაწესებულებაში და პატიმარი ეჭვობს, რომ სწორედ ის პიროვნება უქმნის მას მსგავს პირობებს.“