უკრაინის პრეზიდენტის, პეტრო პოროშენკოს განცხადებით, 30 აპრლის ევროკავშირი უკრაინელი პილოტი ქალის, ნადეჟდა სავჩენკოს გათავისუფლების მოთხოვნით რეზოლუციას მიიღებს.

ამის შესახებ პოროშენკომ, ევროსაბჭოს პრეზიდენტ, დონალდ ტუსკთან ერთობლივი პრესკონფერენციის დროს განაცხადა.

შეგახსენებთ, უკრაინის ტერიტორიული მთლიანობისთვის მებრძოლი 33 წლის უკრაინელი მფრინავი ქალი, ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს. მას შემდეგ სავჩენკო პატიმრობაში იმყოფება.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, ჯერჯერობით სავჩენკო კვლავ რუსეთის საპატიმროში იმყოფება.

2014 წლის 13 დეკემბერს, სავჩენკომ გათავისუფლების მოთხოვნით შიმშლობა დაიწყო. ჯანმრთელობის მდგოამრეობის უკიდურესად დამძმების გამო, 5 მარტს შიმშლობა შეწყვიტა, თუმცა 10 დღის შემდეგ კვლავ განაგრძო და დღემდე შიმშლობს.

ხატია ლაღიძე