გენერალური ინსპექციის სამმართველოს უფროსს როინ ასანიძეს დნმ-ის ნიმუში აუღეს. ამის შესახებ იური ვაზაგაშვილის მკვლელობაში ბრალდებული გია სოსანაშვილის ადვოკატმა სოსო ჯოგლიძემ „ნიუპოსტს“ განუცხადა.

მისი თქმით, ასანიძისთვის დნმ-ის ნიმუშის აღება შაბათს მოხდა და მას დაზარალებულისა და ბრალდებულის მხარეც ესწრებოდა.

„თუ დადასტურდა, რომ შემთხვევის ადგილიდან აღებული ნიმუში დაემთხვა ასანიშის დნმ-ის ნმუშს, მოვითხოვ, რომ სოსანაშვილის მიმართ სამართლებრივი დევნა შეწყდეს. რაც შეეხება ასანიძეს, დნმ-ის ნიმუშის აღების მომენტში არაფერი უთქვამს. დაველოდოთ პასუხებს“, - განაცხადა სოსანაშვილმა.

გია სოსანაშვილის ინფორმაციით, ვაზაგაშვილის მკვლელობის ადგილზე აღმოჩენილი ხელყუმბარის სახელურზე შსს-ს გენინსპექციის მაღალჩინოსნის დნმ-იცაა. ამის შესახებ ნათქვამია სოსანაშვილის ახსნა-განმარტებაში, რომელიც მისმა ადვოკატმა გასულ კვირას გაავრცელა.