შინაგან საქმეთა მინისტრის მოადგილის ლევან იზორიას თქმით, გურჯაანში მომხდარ ინციდენტზე გამოძიება დაიწყო და საზოგადოება გამოძიების შედეგებს მტკიცებულებეის მოპოვებისთანავე გაიგებს.

ამის შესახებ იზორიამ ჟურნალისტებთან საუბრისას განაცხადა.

„ვართ უფლებამოსილი დავიწყოთ გამოძიება. ასეთ ფაქტს ადგილი ჰქონდა. სისხლის სამართლის კოდექსიც ითვალისწინებს შესაბამისი ფაქტის მიმართ კვალიფიკაციას და როგორც ბატონმა მინისტრმა ბრძანა, გამოძიება დაიწყო. როგორც კი დამატებითი ინფორმაცია და მტკიცებულებები იქნება, საზოგადოება ამ გამოძიების შედეგებს გაიგებს... არ მაქვს უფლებამოსილება, გავაჟღერო დეტალები საგამოძიებო მოქმედებების შესახებ. დაველოდოთ საგამოძიებო ორგანოებს და შემდეგ მექნება უფლება მოგაწოდოთ ინფორმაცია ამასთან დაკავშირებით.", - განაცხადა იზორიამ.