ყაზახეთის ვადამდელ საპრეზიდენტო არჩევნებში მოქმედმა პრეზიდენტმა, ნურსულთან ნაზარბაევმა გაიმარჯვა.

ცენტრალური საარჩევნო კომისიის მიერ გამოქვეყნებული წინასწარი მონაცემების მიხედვით, 74 წლის ნაზარბაევს ამომრჩეველთა 97.17%-მა მისცა ხმა.

ნურსულთან ნაზარბაევი 26 წელია ყაზახეთის პრეზიდენტია და ქვეყანას საბჭოთა დროიდან, 1989 წლიდან მართავს.

2011 წელს გამართულ საპრეზიდენტო არჩევნებში მან ხმათა 96% მიიღო. არცერთ არჩევნებს საერთაშორისო დამკვირვებლები არ დასწრებიან და შესაბამისად, არც სამართლიანად აღიარებენ.

ყაზახეთში საპრეზიდენტო არჩევნები 2016 წელს უნდა გამართულიყო, თუმცა, რამდენიმე თვის წინ ყაზახეთის სახალხო კრების საბჭომ არჩევნების წელს გამართვა მოითხოვა.

ხატია ლაღიძე