რუსეთის პრეზიდენტი, ვლადიმერ პუტინი აშშ-ს კავკასიელი მებრძოლების მხარდაჭერაში სდებს ბრალს.

მისი თქმით, 2000-იანი წლების დასაწყისში, რუსულმა სპესამსახურებმა, აზერბაიჯანში ჩრდილოკავკასიელ მოხალისეებსა და აშშ-ის დაზვერვის ოფიციალურ პირებს შორის კავშირი გამოავლინეს.

ამის შესახებ ვლადიმერ პუტინი, ტელეკომპანია „რასიას“ მიერ გადაღებულ ფილმში „პრეზიდენტში“ საუბრობს.

„აზერბაიჯანში, კავკასიელ მებრძოლებს აშშ-ის სადაზვერვო ძალები ეხმარებოდნენ, მათ შორის ტრანსპორტითაც კი“ - განაცხადა პუტინმა.

მისი თქმით, ამის შესახებ აშშ-ის პრეზიდენტსაც აცნობა, რომელიც ამ პრობლემის მოგვარებას დაჰპირდა. ათ დღეში კი ვაშინგტონიდან წერილი მიიღო, რომელშიც ნათქვამი იყო, რომ ვაშინგტონი მხარს უჭერს ყველა რუსულ ოპოზიციური ძალას და მხარდაჭერას მომავალშიც განაგრძობს.

ხატია ლაღიძე