,,კანონიერი ქურდები“ ,,ისლამურ სახელმწიფოსთან“ კავშირში არიან?

მსოფლიო - 17:12, 26 Apr, 2015

10147

,,Прайм Крайм"-ის ცნობით, რუსი „კანონიერი ქურდები ოლეგ პიროგოვი (ცირკაჩი) და ვიქტორ ჟარინოვი (ცეზარი) თვეზე მეტია ერაყის ქალაქ ერბალის ციხეში იმყოფებიან. ერაყის ხელისუფლება მათ „ისლამურ სახელმწიფოსთან“ კონტაქტებში სდებს ბრალს, რაც მათ სამუდამო პატიმრობით ემუქრება.

შეგახსენებთ, რომ პიროგოვი არის დასახელებული მთავარ მოწმედ თურქეთში მიმდინარე გამოძიებისა, რომელიც ანტალიაში „კანონიერი ქურდის“ ვადიმ ივანენკოს მკვლელობის ფაქტს ეხება. თურქეთის ციხეში აღმოჩენის შიშის გამო ცირკაჩმა გადაწყვიტა გამოძიებას დამალვოდა და თურქეთი დაეტოვებინა, რაშიც მას ახლო მეგობარი და თანამშრომელი ცეზარი და „ვიღაც ქურთები“ დაეხმარნენ. სააგენტოს ცნობით, 2015 წლის 8 მარტს ისინი თურქეთის საზღვარი გადაკვეთასა და ერაყის ქურთისტანში გადასვლას გეგმავდნენ, რის დროსაც ისინი ერაყის ხელისუფლებამ დააკავა.

ცირკაჩს მოუწია ერაყის ხელისუფლებისათვის სიმართლე ეთქვა. თუმცა საზღვრის უკანონო გადაკვეთა არ აღმოჩნდა ერთადერთი ბრალდება, რის გამოც ერაყელები მათ პასუხისგებაში მიცემას აპირებდნენ - ფოტოპორტრეტის მსგავსების გამო ისინი ტერორისტულ ორგანიზაცია „ისლამურ სახელმწიფოსთან“ კავშირებში დაადანაშაულეს, რაც კანონით 20 წლიდან სამუდამო პატიმრობამდე სასჯელს ითვალისწინებს. არის ცნობები, რომ ცეზარისა და ცირკაჩის დაკითხვისას ერაყელებმა წამება და დაკითხვის სხვა არასტანდარტული მეთოდებიც გამოიყენეს.