ადვოკატ გაგი მოსიაშვილის თქმით, ეროსი კიწმარიშვილის ოჯახის წევრები გამოძიების მიმდინარეობაზე დღეს ახალ ინფორმაციას მიიღებენ.

ამის შესახებ მოსიაშვილმა თბილისის პროკურატურაში შესვლამდე განაცხადა, სადაც იგი ეროსი კიწმარიშვილის ძმასთან ერთად საგამოძიებო ჯგუფთან შესახვედრად მივიდა.

სავარაუდოდ, გარდაცვლილის ახლობლებს გამოძიების პირველად შედეგებს გააცნობენ.

ზურაბ კიწმარიშვილის თქმით, მოისმენენ არის თუ არა იდენტიფიცირებული პირი, რომელიც სათვალთვალო კამერებმა დააფიქსირეს.

როგორც ცნობილია, სათვალთვალო კამერაში დაფიქსირებული რამდენიმე პირის იდენტიფიკაცია მოხდა. როგორც ზურა კიწმარიშვილი ამბობს, სავარაუდოდ, მამაკაცი არაქართული გარეგნობის არის.