რუსეთის პრეზიდენტის, ვლადიმერ პუტინის განცხადებით, საერთაშორისო თანამეგობრობამ ყველაფერი უნდა გააკეთოს, რათა ისეთი დანაშაულები, როგორიცაა სომეხთა გენოციდო, არასოდეს გამეორდეს.

„1915 წლის 24 აპრილი სევდიანი თარიღია, რომელიც კაცობრიობის ისტორიაში ერთერთ ყველაზე საშინელ და დრამატულ მოვლენას - სომეხი ხალხის გენოციდს უკავშირდება“- ნათქვამია კრემლის ვებგვერდზე გამოქვეყნებულ დოკუმენტში, რომლითაც პუტინი სომეხ ხალხს მიმართავს.

პუტინის განცხადებით, რუსეთის პოზიცია ყოველთვის ობიექტური, თანმიმდევრული იყო, რაც გულისხმობს, რომ ეროვნების მასობრივი განადგურების გამართლება შეუძლებელია.

მისივე თქმით, სომხეთის ახალმა თაობამ რეგიონის სხვა ხალხთან ერთად ჰარმონიულად და მშიდობიანად, ყოველგვარი ქსენოფობიის, აგრესიული ნაციონალიზმისა და რელიგიური სიძულვილის გარეშე უნდა იცხოვროს.

„მოძმე სომხებს და რუსეთში მცხოვრებ ყველა სომეხს მშვიდობას, სიკეთსა და კეთილდღეობას ვუსურვებ“ - ნათქვამია რუსეთის პრეზიდენტის განცხადებაში.

ხატია ლაღიძე