მთავარი პროკურატურის ინფორმაციით, ბესიკ ხარძიანის შვილებმა, ანი და მიხეილ ხარძიანებმა, ასევე ბიზნესმენის პირველმა მეუღლემ ჩვენება უკვე მისცეს.

ამის შესახებ „ნიუპოსტს“ უწყებაში განუცხადეს. სხვა დეტალებზე პროკურატურა გამოძიების ინტერესებიდან გამომდინარე არ საუბრობს.

ბესიკ ხარძიანის შვილების თქმით, ბიზნესმენის მკვლელობა მისმა მეორე მეუღლემ ეკა ნონიკაშვილმა შეუკვეთა.

ამის შესახებ განცხდება მოკლული ბიზნესმენის შვილებმა მიხეილ და ანა ხარძიანებმა გააკეთეს, რომელიც გარდაცვლილს პირველი ცოლისგან ჰყავს.

„შევდივართ ბებიაჩემთან, სადაც კამათობენ მამიდაჩემი მაია ხარძიანი და ბებიაჩემი. შევდივართ და გევუბნებიან, რომ ქონებაზე ხმა არ უნდა ამოვიღოთ. გვითხრეს, რომ ჩენ ყველას დაგვხოცავდნენ და დარჩება მთლიანი ქონება ეკა ნონიკაშვილს. ამ დროს მაია ხარძიანი გამოეპასუხა - დედა დაწყნარდი, დავკრძალოთ ბესო და თუ ეკა ნონიკაშვილი არ იტყვის სიმართლეს მე ვიტყვი ორ დღეში. მაინტერესებს, რა სიმართლე იცის მაია ხარძიანმა ეკა ნონიკაშვილზე. გამოვიდეს და თქვას. მე მაქვს ინფორმაცია, რომ მამაჩემი ეკა ნონიკაშვილმა დააჭერინა და მისი გარდაცვალება ნონიკაშვილმა დაუკვეთა", - განაცხადა მიხეილ ხარძიანმა.