საფრანგეთის პრეზიდენტის, ფრანსუა ოლანდის განცხადებით, დღევანდელ პირობებში რუსეთისთვის "მისტრალების" გადაცემა შეუძლებელია.

ამის შესახებ, უკრაინის პრეზიდენტთან შეხვედრისას ისაუბრა.

მისი თქმით, თუკი საბოლოო გადაწყვეტილება შეთანხმების გაუქმება იქნება და რუსეთი ავიამზიდებს ვერ მიიღებს, გემებისთის წინასწარ გადახდილ თანხას - 785 მილიონ ევროს საფრანგეთის მთავრობა უკან დაუბრუნებს.

შეგახსენებთ, ორი ავიამზიდის გადაცემასთან დაკავშირებით რუსეთსა და საფრანგეთს შორის კონტრაქტი 2011 წელს გაფორმდა. პირველი ხომალდის გადაცემა 2014 წელს იგეგმებოდა. საფრანგეთმა რუსეთისათვის "მისტრალების" გადაცემის საკითხი უკრაინის კრიზისის გამო შეაჩერა. საპასუხოდ, რუსეთმა მოითხოვა, რომ ფრანგულ მხარეს გადახდილი თანხა შემკვეთისთვის.
დაებრუნებინა.

შეხვედრაზე, ოლანდმა უკრაინისთვის ლეტალური იარაღით მომარაგების საკითხზეც ისაუბრა და განაცხადა, რომ ამის თაობაზე უკრაინას საფრანგეთისთვის ოფიციალურად არ მიუმართავს.

„ამ ეტაპზე საფრანგეთი უკრაინის იარაღით მომარაგებას არ აპირებს, თუმცა მშვიდობის დასამყარებლად და ადამიანების სიცოცხლის გადასარჩენად ყველაფერს გავაკეთებთ“ - დასძინა ოლანდმა.

ხატია ლაღიძე