რუსეთის საგარეო საქმეთა მინისტრის, სერგეი ლავროვის განცხადებით, ის ჩინეთიდან მომავალ ვერანაირ საფრთხეს ვერ ხედავს და რუსეთის ერთადერთ საფრთხედ აშშ-ის გლობალური რაკეტსაწინააღმდეგო სისტემას ასახელებს.

„ჩინეთიდან და ზოგადად აღმოსავლეთიდან მომავალ ვერანაირ საფრთხეს ვერ ვხედავ. ერთადერთი საფრთხე აშშ-ის გლობალური რაკეტსაწინააღმდეგო თავდაცვითი სისტემაა, რომელიც არამარტო ამერიკის ტერიტორიაზე იქმნება, არამედ ევროპაშიც თავსდება და რუსეთის საზღვრებსაც "სასწაულებრივად" უახლოვდება“-განაცხადა ლავროვმა რამდენიმე რადიოსადგურისთვის მიცემულ ინტერვიუში.

მან, რუსეთის მთავარ მტრად ისლამური სახელმწიფო გამოაცხადა და უკრაინის საკითხზე საუბრისას აღნიშნა, რომ უკრაინამ უარი უნდა თქვას უნიტარულობაზე და ფედერალური, ნეიტრალური სახელმწიფო გახდეს.

ხატია ლაღიძე