სკანდალური განცხადება: "ხელყუმბარის სახელურზე გენინსპექციის მაღალჩინოსნის დნმ აღმოჩნდა"

სამართალი - 15:03, 22 Apr, 2015

7159

იური ვაზაგაშვილის მკვლელობაში ბრალდებული გიორგი სოსანაშვილი საქართველოს სამართალდამცავთა დაცვის ლიგას განცხადებით მიმართავს. აღნიშნულ განცხადებაში სოსანაშვილი სკანდალურ ფაქტებზე საუბრობს.

მისი თქმით , ვაზაგაშვილის მკვლელობის ადგილზე აღმოჩენილი ხელყუმბარის სახელურზე შსს-ს გენინსპექციის მაღალჩინოსნის დნმ-ცაა. სოსანაშვილის განცხადებას "ნიუპოსტი" გთავაზობთ:

"მოგახსენებთ, რომ 2015 06 თებერვალს, ჩემს მიმართ უკანონოდ, ყოველგვარი დასაბუთების გარეშე შ.ს.ს გენერალურ ინსპექციაში, კერძოდ , მაღალჩინოსან როინ ასანიძის მხრიდან, განხორციელდა მოტყუებით, უკანონოდ ჩატარებული საგამოძიებო მოქმედება. ორი ექსპერტ-კრიმინალისტის დახმარებით, რომლებიც მან გამოიძახა ამ ყველაფრისთვის. კერძოდ, თვითონვე ჩამიტარა ნარკოლოგიური შემოწმება, თავისივე კაბინეტში და შემდეგ ექსპერტ კრიმინალისტების დახმარებით, პირის ღრუდან ამიღეს გენეტიკური(დნმ) ექსპერტიზის ნიმუში და თუ რაში ჭირდებოდათ არ უთქვამთ, რასაც არ ესწრებოდა ჩემი ადვოკატი, რომელიც ამ შემთხვევაში აუცილებელია და ნიმუში ჩემი არ დალუქულა, არ დასურათებულა და შესაბამის პაკეტზე რომელიც უნდა დალუქულიყო, მე და იქ დამსწრე პირებს ხელი არ მოგვიწერია და თარიღიც არ დასმულა. პირიქით სპეციალური ნარკოლოგიური შემოწმების, შარდია ანალიზის ქილიდან, წებოვანი ფირფიტით, იცით თქვენ აღნიშნული რაცაა. ჩემი დნმ-ს ნიმუში გადატანილ იქნა ხელყუმბარის სახელურზე. რომელიც შემდეგ, მეორე დრეს 07 თებერვალს ჩემი დაკავებისას იქნა გამოყენებული ჩემს სამხილად პროკუყრატურაში და გენეტიკური ექსპერტიზის დასკვნას, რომელიც აღმოაჩინეს ხელყუმბარის სახელურზე მაჟორული წილი , რომელიც ჩემი დნმ-ს იდენტურია, მინორული წილი როინ ასანიძეს ეკუთვნის, ყოველივე ზემოარნიშნულზე არ დავკითხულვარ არც მე და არც როინ ასანიძე და არა მარტო დაიკითხოს, აუღონ მასაც დნმ ის ნიმუში და სიმართლეს ყველა გაიგებს. ამასტან დაკავშირებით მე ორჯერ განუცხადე მთავარი პროკურატურის გამომძიებელ პროკოფი ჭანკოტაძეს, რაზეც მიპასუხა: გავარკვევო და ყოველივე სიმართლის გარკვევის ნაცვლად 17,04,2015 აპრილს ბრალი 109 მუხლის მესამე ნაწილის ბ ქვეპუნქტით დამიმძიმეს, რაშიც ვარ უდანაშაულო და იური ვაზაგაშვილის მკვლელობასთან საერთოდ კავშირიც არ მაქვს. გთხოვთ შეძლებისდაგვარად ხმა მიაწვდინოთ შესაბამის უწყებებს, რათა გაიგონ ჩემს წინააღმდეგ განხორციელებულ უკანონო ქმედებებზე და დაიკითხოს და ჩაუტარდეს გენეტიკური ექსპერტიზის ნიმუში როინი ასანიძეს. წინააღმდეგ შემთხვევაში ჩემი სიმართლე და უდანაშაულობა გაურკვეველი დარჩება. პატივისცემით , გიორგი სოსანაშვილი".

ნინო დათაშვილი