ავსტრალიის სამხრეთ-აღმოსავლეთ შტატში ძლიერი ქარიშხლის შედეგად 3 ადამიანი დაიღუპა.

მაშველებმა, ორი მამაკაცისა და ერთი ქალის ცხედარი ქალაქ დანგოგში იპოვეს.

სავარაუდოდ, მათ დატბორილი სახლიდან გამოღწევა ვერ შეძლეს.

ძლიერი წვიმების გამო დაიტბორა 200 ათასზე მეტი საცხოვრებელი სახლი, მაგისტრალები. მოსახლეობა ელექტროენერგიის გარეშე დარჩა.

ადგილობრივი მედიის ინფორმაციით, ქარის სიჩქარემ საათში 100 კილომეტრს გადააჭარბა.

სტიქიის ზონიდან მოსახლეობის ევაკუაცია უკვე განხორციელდა.

ხატია ლაღიძე