მიხეილ სააკაშვილის ადვოკატი გიორგი ჩივიაშვილი პროკურატურის განცხადებას ეხმაურება, სადაც ვალერი გელაშვილის ცემის ფაქტთან დაკავშირებით ექსპრეზიდენტისთვის ბრალის დაზუსტებაზეა საუბარი.

როგორც გიორგი ჩივიაშვილი ამბობს, პროკურატურას საზოგადოების შეცდომაში შეყვანა სურს.

„2005 წელს მოქმედი რედაქციით, ამ დანაშაულისთვის მინამალური ზღვარი იყო 5 წლიდან. დღეს მოქმედი რედაქციით არის 7 წლიდან. ისინი ცდილობენ, რომ დაშვებული შეცდომა რამენაირად გამოსწორონ და საზოგადოებას მიაწოდონ ტყუილი ინფორმაცია. არიან შესული ჩიხში და ამ ჩიხიდან გამოსასვლელად იგონებენ მორიგ ტყუილებს“, - განაცხადა გიორგი ჩივიაშვილმა.

პროკურატურის განმარტებით, მიხეილ სააკაშვილს ბრალი წარდგენილი აქვს კანონის სრული დაცვით, სწორი სამართლებრივი კვალიფიკაციით და დაზუსტებას არ საჭიროებს.