ტერორისტული დაჯგუფება "კავკასიის ემირატის" ლიდერი, ალიასხაბ კებეკოვი, რუსულმა სპეცსამსახურმა დაღესტანში ჩატარებული სპეცოპერაციის დროს მოკლა.

ამის შესახებ ინფორმაციას გამოცემა „რია ნოვოსტი“ ავრცელებს.

გავრცელებული ინფორმაციით, კებეკოვთან ერთად კიდევ 5 ტერორისტის ლიკვიდაცია მოხდა.

სპეცოპერაცია სოფელ გერეი-ავლაკში 19 აპრილს რუსეთის შინაგან საქმეთა სამინისტროსა და ფსბ-ს მონაწილეობით ჩატარდა.

რუსეთმა ალიასხაბ კებეკოვზე ძებნა 2012 წლის აპრილში გამოაცხადა. მას შეიარაღებულ თავდასხმებსა და რესპუბლიკის მოქალაქეების მკვლელობაში ედებოდა ბრალი.

ხატია ლაღიძე