სომალიში, გაერო-ს ავტობუსის აფეთქების შედეგად ორგანიზაციის 9 თანამშრომელი დაიღუპა.

ამის შესახებ ინფორმაციას სააგენტო „როიტერი“ ავრცელებს.

ავტობუსს, გაერო-ს თანამშრომლები გაროუესში, ორგანიზაციის ოფისში გადაჰყავდა.

ადგილობრივი პოლიციის წარმომადგენლის განცხადებით, დაღუპულთა შორის ორი კენიის მოქალაქე , შვიდი კი სომალელი მესაზღვრეა.

აფეთქებაზე პასუხისმგებლობა არცერთ დაჯგუფებას არ აუღია. წინასწარი ვარაუდით, თავდასხმა რადიკალური ისლამისტური დაჯგუფება „ალ შაბაბის“ წევრებმა განახორციელეს. „ალ-შაბაბის“ ტერორისტების ძირითადი ბაზა სომალიში მდებარეობს. მათ მჭიდრო კავშირი აქვთ საერთაშორისო ტერორისტულ ორგანიზაცია , „ალ-ქაიდასთან.“

შეგახსენებთ, რამდენიმე კვირის წინ „ალ-შაბაბი“ კენიის უნივერსიტეტს დაესხა თავს და 147 ადამიანის სიცოცხლე შეიწირა.

ხატია ლაღიძე