უკრაინის პრემიერ-მინისტრის, არსენი იაცენუკის განცხადებით, რუსეთს უკრაინაში დესტაბილიზაციის რამდენიმე გეგმა აქვს, რომელსაც სავარაუდოდ მაისის დღესასწაულებზე განახორციელებს.

ამის შესახებ აცენიუკმა, ტელეარხ „უკრაინასთან“ ინტერვიუში განაცხადა.

მისი თქმით, პროვოკაციების თავიდან ასარიდებლად, უკრაინის მთავრობა კიევში, ოდესაში, ხარკოვსა და დნეპროპეტროვსკში უსაფრთხოების ზომების, კერძოდ პატრულირებისა და შინაგანი ძალების მობილიზების გაძლიერებას გეგმავს.

იაცენუკმა, უკრაინელი ჟურნალისტის, ოლეს ბუზინასა და ყოფილი დეპუტატის, ოლეგ კალაშნიკოვის გახმაურებულ მკლელობებზე ისაუბრა და განაცხადა, რომ ორივე მკვლელობა ანტიუკრაინული ძალების მიერაა ჩადენილი.

„ეს მკვლელობები ანტიუკრაინული ძალების მიერ არის ჩადენილი და უკრაინაში სიტუაციის დესტაბილიზაციის მცდელობის რუსული სცენარის კლასიკური მაგალითია. პუტინს რამდენიმე გეგმა აქვს. მოსახლეობის უსაფრთხოება, ტერორიზმთან ბრძოლა და პროვიკაციების თავიდან აცილება - მაისის დღესასწაულებზე ჩვენს მთავარ ამოცანას წარმოადგენს“ - განაცხადა უკრაინის პრემიერმა.

ხატია ლაღიძე