ტრაგედია სარწმუნოებისთვის წამება არ არის, ტრაგედია მდუმარებაა

ტრაგედია სარწმუნოებისთვის წამება არ არის, ტრაგედია მდუმარებაა - მამა პეტრე

რელიგია - 22:28, 19 Apr, 2015

3965

ვის აწყობს და რატომ არ აჩერებენ ამ ბოროტებას... - ,,ისლამური სახელმწიფოს“ მიერ ასირიელი ქრისტიანების მიმართ განხორციელებულ სისასტიკეზე და საერთაშორისო საზოგადოების მხრიდან მხარდაჭერის აუცილებლობაზე ისაუბრა ,,იმედის კვირაში“ სვეტიცხოვრლის საკათედრო ტაძრის მღვდელმსახურმა, დეკანოზმა მამა პეტრე კვარაცხელიამ.

,,დუმილი მართლაც დანაშაულია, რადგან იქ, როცა 21-ე საუკუნეში ადამიანები სარწმუნოებისთვის ასე ეწამებიან, არ აქვს ჩემთვის მნიშვნელობა ის მართლმადიდებელია თუ არამართლმადიდებელი; როცა ასეთი საყოველთაო სასაკლაო ეწყობა და ამაზე მსოფლიო დუმს და ჯერ კიდევ ვერ შეშფოთდა ევროპა და სხვა წამყვანი სახელმწიფოები და არ გააჩნიათ პასუხი, ცოტა საეჭვოა ეს ყველაფერი, ვის აწყობს და რატომ არ აჩერებენ ამ ბოროტებას.

მე ქედს ვიხრი მამა სერაფიმეს წინაშე, რომელიც ასირიელი სასულიერო პირია საქართველოში, რომელიც ცდილობს, თავისი არამეული ენით ადიდოს უფალი და ჩვენ ვიცით, რომ ქრისტე არამეულ ენაზე საუბრობდა და ეს ორმაგად საინტერესოა ჩვენთვის, საქართელოსთვის, რამეთუ საქართველოსთვის ასურეთი უცხო არ ყოფილა და ჩვენ ვიცით, რომ ისტორიულად ძალიან მჭიდრო კავშირები გვქონდა. ჯერ კიდევ მე-6 საუკუნის 30-იან წლებში, როცა ძალიან უჭირდა ჩვენს ქვეყანას, უფალმა გაიღო მადლი და წყალობა ჩვენზე და საქართველოში მოავლინა ათცამეტი ასურელი მამა ქრისტიანობის განსამტკიცებლად. დღეს რეალურად მოგვეცა შანსი, ასურელების, იმ ადამიანებს, ვინ ქრისტიანობისთვის ეწამება, ჩვენ გარკვეულწილად ვიყოთ მადლიერები. ამიტომ ჩვენ, უპირველესად გვევალება, რომ ვილოცოთ მათთვის. ვთვლი, რომ ასეთი შეკრებები კარგია, მიუხედავად იმისა, რომ ყამირი ვერ გავტეხეთ დღეს აქ გამოსვლით, მაფრამ ხალხმა დღევანდელ აქციაზე დააფიქსირა თავისი პოზიცია და მხარში დაუდგა მათ.

მე ჩემი ექვსი შვლით, ვთვლი, რომ დღეს ვარ ასურელი და ისე მტკივა იმ უმწეო ბავშვის სიკვდილი, როგორც შეიძლება მეტკინოს საკუთარი შვილის წამება, მაგრამ ტრაგედია ის კი არ არის რომ სარწმუნოებისთვის ეწამებიან, ტრაგედია ისაა, როცა ასეთ სასაკლაოს ხელს არ ვუშლით და პირიქით მდუმარებაში ვიმყოფებით „ - განაცხადა მამა პეტრემ.