ბენ აფლეკს არ სურდა მისი მონათმფლობელი წინაპრების შესახებ საზოგადოებას გაეგო- Wikileaks

მსოფლიო - 14:52, 19 Apr, 2015

1490

ბენ აფლეკმა დოკუმენტალისტებს სთხოვა, მასზე გაკეთებული გადაცემაში არ აღენიშნათ ის ფაქტი, რომ მისი წინაპრები მონათმფლობელები იყვნენ. ამის შესახებ ცნობილი Wikileaks-ის მეშვეობით ხდება. Wikileaks-მა გადაცემაზე მომუშავე პირების მიმოწერა გაასაჯაროვა.

როგორც მიმოწერიდან ხდება ცნობილი ბენ აფლეკი ამჯობინებდა, რომ მისი წარმომავლობის ეს ასპექტი ოჯახის საიდუმლოდ დარჩენილიყო და ამერიკელმა მსახიობმა ამასთან დაკავშირებით დოკუმენტური ფილმის შემქმნელებს თხოვნით მიმართა. გამოქვეყნებულ მიმოწერაში კი მსახიობის ამ გადაწყვეტილების შესახებ ფილმის ავტორი თავის მეგობარს ესაუბრება.

როგორც ცნობილი ხდება დოკუმენტური ფილმი მზადდებოდა შოუსთვის ”იპოვეთ თქვენი ფესვები”.

”აი ჩემი დილემა, პირველად ამ გადაცემის ისტორიაში, ერთ-ერთმა მონაწილემ მოითხოვა, რომ მის წინაპრებთან დაკავშირებული ფაქტები წაგვეშალა, საქმე მონათმფლობელობას ეხება. აქამდე არავის უცდია მოპოვებული ფაქტების ცენზურა განეხორციელებინა. ის კი მეგა ვარსკვლავია, რა უნდა ვქნათ?” წერს გადაცემაზე მომუშავე ჰარვარდის პროფესორი ჰენრი გეიტსი შოუს აღმასრულებელ დირექტორს სონი მაიკლ ლინტონს.

როგორც საუბრიდან ჩანს ლინტონმა გეიტს ურჩია ეს ფაქტები გადაცემიდნ ამოეღო. გეიტსი კი აცხადებს, რომ მსგავსი კომპრომისები იმ პრინციპებს დაარღვევს რაზეც გადაცემაა აგებული. საბოლოოდ ინფორმაცია ბენ აფლეკის მონათმფლობელი წინაპრების შესახებ გადაცემაში აღარ გავიდა.

მომზადებულია express.fr-ის მიხედვით