სასამართლო პროცესზე დაიკითხა რამდენიმე მოწმე, მათ შორის იაშვილი და ფირცხალავა, შემდგომ კი, გურამ დონაძემ დაიწყო ჩვენებების მიცემა. ამირან რობაქიძის განცხადებით, დონაძემ ბუტა რობაქიძის გარდაცვალების გამო მიუსამძიმრა, რის შემდეგაც ბუტა რობაქიძის ბიძამ ვასო რობაქიძემ მას უთხრა, რომ სამძიმრის ნაცვლად, ჯობია პასუხი აგოს იმ დანაშაულისთვის, რაც მან ჩაიდინა. მოსამართლემ ვასო რობაქიძე სასამართლო დარბაზიდან გააძევა. ამ ფაქტის შემდეგ კი, რობაქიძის ყველა წევრმა პროცესი დატოვა.

ვასო რობაქიძის გამოძევებამდე, მოსამართლემ ბუტა რობაქიძის მამის სოსო რობაქიძის გამოძევების გადაწყვეტილებაც მიიღო, რისი მიზეზიც გახდა სოსო რობაქიძის რეპლიკა, რომ სასამართლო პროცესი არასწორად მიმდინარეობს.

რობაქიძის ბაბუის განცახდებით, არცერთი ბრალდებული თავს დამნაშავედ არ სცნობს და პასუხისმგებლობის თავიდან აცილებას ცდილობენ.