ადვოკატი გოგა ონიანი პროკურატურაში დაკითხვაზე დაიბარეს, რის მიზეზადაც 2009 წლის 15 ივნისის აქცია დასახელდა. როგორც ცნობილია, მისი დაკითხვა მოწმის სტატუსით მიმდინარეობს.

გოგა ონიანი, 3 საათზე მეტია, რაც დაკითხვაზე იმყოფება. აღნიშნულთან დაკავშირებით, პროკურატურის შენობასთან, აქცია გამართეს "ერთიანი ნაციონალური მოძრაობის" წევრებმა და არასამთავრობო ორგანიზაციების წარმომადგენლებმა.

„მე თვითონ ვადასტურებ, რომ ამ აქციაზე ვიყავი. მაგრამ, თუკი ვინმემ იქ გადაცდომა ჩაიდინა, არსებობს ამის დამადასტურებელი ფოტომასალა. თუკი ვინმე მაჩვენებს ერთ ფოტოს მაინც, სადაც მე გადაცდომას ჩავდივარ, პირობას ვდებ, რომ არამცთუ ადვოკატს ავიყვან, არამედ თავადაც არ დავიცავ საკუთარ თავს,“ - აცხადებს გოგა ონიანი.

აქციაზე იმყოფებოდა ადვოკატთა ასოციაციის თავმჯდომარე - ზაზა ხატიაშვილი, რომლის განცხადებით, კანონდარღვევაა ადამიანის დაკითხვა იმ საქმეზე, სადაც იგი ადვოკატის ფუნქციას ასრულებს.

„ეს არის სამარცხვინო, რაც ადვოკატ გოგა ონიანთან მიმართებაში ხდება, ცდილობენ გოგა ონიანი ჩამოაშორონ ამ პროცესებს , ვინაიდან თუ ადვოკატი მოწმის სტატუსით დაიკითხება დაცვის მყოფთა ინტერესებს ვეღარ დაიცავს „ - განაცხადა ზაზა ხატიაშვილმა.

რუსუდან ქიმერიძე