ვარკეთილის მუნიციპალიტეტის თანამშრომელი ლაშა ცანავა დაკითხვაზეა დაბარებული. როგორც ცანავა ამბობს, საგამოძიებო უწყებაში დაბარების მიზეზი მოქალაქის საჩივარი გახდა, რომელიც მას თავდასხმაში ადანაშაულებს.

"ია მაკასარაშვილის მუქარასთან დაკავშირებით სარჩელი შეტანილი მაქვს საგამოძიებო ორგანოში. პროკურატურიდან ვითხოვ სამართლებრივ შეფასებას მაკასარაშვილის ქმედებისას. ამ საქმეზე არ ვარ დაბარებული. როგორც მითხრეს დამიბარეს სხვა საქმეზე. ვიღაც პიროვნება ამბობს, რომ მე მას თავს დავესხი", - აცხადებს დაკითხვაზე შესვლამდე ლაშა ცანავა.

შეგახსენებთ, ცანავამ რამდენიმე კვირის წინ სატელეფონო ჩანაწერები გამოაქვეყნა, სადაც ისმის, თუ როგორ ემუქრება მას თბილისის საკრებულოს დეპუტატი ია მაკასარაშვილი.