თბილისის ყოფილი მერი გიგი უგულავა წინასწარ პატიმრობას საკონსტიტუციო სასამართლოში გაასაჩივრებს. ამის შესახებ უგულავას ადვოკატმა ბექა ბასილაიამ განაცხადა.

მისი ინფორმაციით, სარჩელი საკონსტიტუციო სასამართლოში მომავალ კვირაში შევა.

"ეს არის არაკონსტიტუციური პრაქტიკა კანონის არასწორი ინტერპრეტაციისა. საქართველოს კონსტიტუცია და საკონსტიტუციო სასამართლო ამ სამართლებრივ უმსგავსობას წერტილს დაუსვამს ", - განაცხადა ბექა ბასილაიამ.

შეგახსენებთ, საუბარია უკანონო შემოსავლების ლეგალიზების, სითი პარკის და მარნეულის ინციდნეტის ეპიზოდზე, რაზეც დედაქალაქის ყოფილ მერს წინასწარი პატიმრობის ვადა მარტის ბოლოს ამოეწურა.