უკრაინაში კიდევ ერთი ჟურნალისტი, გამოცემა „ნეტეშინსკი ვესნიკის“ მთავარი რედატორი, ოლგა მოროზი მოკლეს.

გავრცელებული ინფორმაციით, ჟურნალისტი ხმელნიცკის ოლქში, საკუთარ ბინაში მოკლული იპოვეს. „ფოკუსის“ რედაქცია, უკრაინის შინაგან საქმეთა სამინისტროს წყაროზე დაყრდნობით წერს, რომ მოკლულის ბინიდან რამდენიმე ძვირფასი ნივთია დაკარგული.

მკვლელობის ვერსიებს შორის პროფესიული საქმიანობა, ოჯახური ძალადობა და ძარცვაც განიხილება.

2 დღის განმავლობაში უკრაინაში 2 ჟურნალისტი მოკლეს.

შეგახსენებთ, გუშინ, საკუთარი სახლის ეზოში, გაზეთ „სევოდნიას“ ყოფილი რედაქტორი, ჟურნალისტი, ტელეწამყავნი და მწერალი, ოლეს ბუზინა მოკლეს.

ხატია ლაღიძე