ლუგანსკის ე.წ. სახალხო რესპუბლიკაში სამხრეთ ოსეთის დეფაქტო რესპუბლიკამ დიპლომატიური წარმომადგენლობა გახნა. ამის შესახებ ინფორმაციას, ლუგანსკის საინფორმაციო ცენტრი ავრცელებს.

გახსნის ცერემონიას. რომელიც გუშინ გაიმართა, ლუგანსკის თვითაღიარებული რესპუბლიკის ე.წ. მეთაური იგორ პლოტნიცკი, სამხრეთ ოსეთის დეფაქტო რესპუბლიკის ე.წ სახელმწიფო მრჩეველი, როდიონ სიკუაევი და ე.წ. საშინაო პოლიტიკის ანალიზისა და პროგნოზირების დეპარტამენტის ხელმძღვანელი ალან ჩოჩიევი დაესწრნენ.

პლოტნიცკის განცხადებით, ეს არის პირველი დიპლომატიური წარმომადგენლობა, რომელიც ლუგანსკში გაიხსნა.

მხარეებმა ეკონომიკურ-კულტურული თანამშრომლობის საკითები განიხილეს და ურთიერთობების შემდგომი განვითარების პერსპექტივებზე ისაუბრეს.

შეგახსენებთ, სამხრეთ ოსეთის დეფაქტო რესპუბლიკამ ე.წ. დონეცკის სახალხო რესპუბლიკის დამოუკიდებლობა, 2014 წლის ზაფხულში ცნო. ნოემბრის დასაწყისში, კი ლეონიდ თიბილოვმა, ლუგანსკთან დიპლომატური ურთიერთობის დამყარების შესახებ განაცხადა.

ხატია ლაღიძე