სასამართლო ივანიშვილის ჩმორი, მანტია კი ჭინჭი გახდა

სასამართლო ივანიშვილის ჩმორი, მანტია კი ჭინჭი გახდა - გიგი უგულავამ სასამართლო დატოვა

სამართალი - 13:47, 17 Apr, 2015

2395

7 ნოემბრის საქმეზე ბრალდებულმა გიგი უგულავამ საქალაქო სასამართლოში წინასასამართლო სხდომა პროტესტის ნიშნად დატოვა. სხდომის დატოვებამდე უგულავამ განაცხადა, რომ სასამართლო ივანიშვილის „ჩმორი“ გახდა.

გიგი უგულავამ უარი განაცხადა მოსამართლის კითხვებისთვის პასუხის გაცემაზე და აღნიშნა, რომ სასამართლოში სამართლებრივ პროცესებში მონაწილეობაზე უარს აცხადებს, რადგან სასამართლო დარბაზი მისთვის პრესკონფერენციების ოთახია.

"მე არ ვაპირებ ვითანამშრომლო სასამართლოსთან, რადგან სასამართლომ იცეკვა დავლური კონსტიტუციაზე. ჩემი პატიმრობის ცხრათვიანი ვადა გავიდა 2 აპრილს, ჯემალა კოპალიანის მეოხებით კი, კვლავ პატიმრობაში ვრჩები", - განაცხადა გიგი უგულავამ.

თბილისი ყოფილმა მერმა ამ ფრაზის გამო მოსამართლის მხრიდან შენიშვნა მიიღო, რის საპასუხოდაც უგლავამ განაცხადა, რომ სასამართლომ უნდა მიიღოს კრიტიკა, რადგან სასამართლომ კონსტიტუცია ფეხქვეშ გათელა, ამავე დროს პროკურორები ჩინელ ტურისტებს შეადარა.

უგულავას თქმით, მას არ აქვს იმედი, რომ მოსამართლე გერმანე დადაშქელიანი დაცვის მხარის შუმდგომლობას დააკმაყოფილებს და გადაწყვეტილებას მის სასარგებლოდ მიიღებს.

"საერთო სასამართლოები კონსიტუციები დავლურს ცეკვავს, მანტია არის ჩვეულებრივი ჭინჭი, ჭილობი იქნება თუ ტილო, ესე თქვენზეა დამოკიდებული. პატივისცემა უნდა დაიმსახუროს შინაარსმა და არა ჭინჭმა. ამ ტაკიმასხარაობაში მონაწილეობას არ მივიღებ. როდესაც ახლობლები მომენტარებიან, მაშინ მოვალ. ამ ტაკიმასხარაობას ჰქვია სამართლიანობის აღდგენა. თევზი ყროლდება და ივანიშვილის თაოსნობით მას თავი უკვე აუყროლდა, სანამ ტანიც აუყროლდება უნდა ჩამოვაშოროთ ქვეყანას. თქვენც ნუ ჩაყვებით ამ ჭილობით", - განაცხადა გიგი უგულავამ.

განცხადებების გაკეთების შემდეგ უგულავამ და მერაბიშვილმა დარბაზი პროტესტის ნიშნად დატოვეს, სხდომა დატოვეს დარბაზში დამსწრეებმაც. პროცესი მხოლოდ მხარეების მონაწილეობთ გრძელდება.