რუსეთის პრეზიდენტის, ვლადიმერ პუტინის განცხადებით, რადიკალური ტერორისტული დაჯგუფება, „ისლამური სახელმწიფო“ რუსეთისთვის პირდაპირ საფრთხეს არ წარმოადგენს.

ამის შესახებ, პუტინმა დღეს გამართულ ყოველწლიურ შემაჯამებელ პირდაპირ ეთერში ისაუბრა.

ISIS-ის რიგებში რუსეთის მოქალაქეების გაერთიანების გამო, პრეზიდენტმა შეშფოთება გამოთქვა და აღნიშნა, რომ „ისლამური სახელმწიფო“ მას შემდეგ ჩამოყალიბდა, რაც ერაყში სადამ ჰუსეინის რეჟიმი დაემხო.

"ბევრს საუბრობდნენ, რომ ერაყში ქაოსი სუფევდა, დემოკრატიული გარმეო არ იყო. თუმცა, სადამ ჰუსეინის პრეზიდენტობის დროს ქვეყანას ტერორიზმის პრობლემა არ ჰქონია. ეს ჰუსეინის ხელისუფლების დამხობის შემდეგ გაჩნდა" - განაცხადა პუტინმა.

პუტინის თქმით, ექსტრემისტებს ბევრი პროფესიონალი სამხედრო და ყოფილი ოფიცერი შეუერთდა, სწორედ ამიტომ წარმოადგენს დაჯგუფება უდიდეს საფრთხეს.

რუსეთის პრეზიდენტმა აღნიშნა, რომ მოსკოვი, სხვა სახელმწიფოებთან ერთად ტერორიზმის წინააღმდეგ აქტიურ ბრძოლას ახორციელებს.

ხატია ლაღიძე