რუსეთის პრეზიდენტის, ვლადიმერ პუტინის განცხადებით, დასავლეთმა რუსეთს პატივი უნდა სცეს.

„ნორმალური ურთიერთობის აღდგენის უმნიშვნელოვანესი პირობა - დასავლეთის მხრიდან რუსეთისა და მისი ინტერესების პატივისცემაა“ - განაცხადა პუტინმა პირდაპირ ეთერში მოსახლეობის კითხვებზე პასუხისას.

აშშ-სთან ურთიერთბაზე საუბრისას, აღნიშნა, რომ ამერიკას არა მოკავშირეები, არამედ ვასალები სჭირდება, რუსეთს კი ამ სისტემაში ურთიერთობა არ შეუძლია.

პუტინის თქმით, მას პარტნიორებთან ურთიერთობა თავად არასოდეს გაუფუჭებია.

„ურთიერთობები არასოდეს გაგვიფუჭებია. ჩვენ ყოველთვის ვიყავით და ვართ ნორმალური ურთიერთოებების მომხრე, როგორც აღმოსავლეთის, ასევე დასავლეთის ქვეყნებთან“ - აღნიშნა პუტინმა.

ხატია ლაღიძე