ადვოკატი ოთო კახიძე არ აკონკრეტებს რომელმა ქვეყანამ მიანიჭა ზურაბ ადეიშვილს ლტოლვილის სტატუსი, თუმცა ამბობს, რომ ექსმინისტრი ევროკავშირის წევრმა ერთ-ერთმა ქვეყანამ შეიფარა.

ამის შესახებ კახიძე „საზოგადოებრივ მაუწყებელთან“ საუბრისას აცხადებს.

„აღნიშნული სტატუსი ზურაბ ადეიშვილს მაშინაც ჰქონდა მიღებული, როდესაც წითელ ცირკლულარზე დასვეს. ამიტომ ეს მის მოხსნასთან პრდაპირ კავშირში არ არის, ეს ერთ-ერთი არგუმენტი იყო, მათ შორის ჩვენს წერილშიც, რომელიც ასაბუთებდა, რომ ევროკავშირის წევრი ქვეყანა მიიჩნევს, რომ ადეიშვილს ემქურება პოლიტიკური ანგარიშწორება. ქვეყნის დასახელებისგან თავს შევიკავებ, თუმცა გეტყვით, რომ ევროკავშირის ქვეყანაა“, - აცხადებს კახიძე.

შეგახსენებთ, ზურაბ ადეიშვილი ინტერპოლის ძებნილთა სიიდან რამდენიმე დღის წინ ამოიღეს.