ცნობილი რუსი დიზაინერის, ქართული ფესვების მქონე, ალექსანდრ არუტუნოვის შთაგონების წყაროდ ნიკო ფიროსმანი იქცა.

მისი 2015-2016 წლის შემოდგომა-ზამთრის კოლექციის მთავარ თემას - ნიკო ფიროსმანის შემოქმედება წარმოადგენს.

დიზაინერმა ქართველი მხატვრის ნამუშევრები, ჩანთების, კაბების, მოსასხამებისა და ხელთათმანების აპლიკაციებისთვის გამოიყენა.

31 წლის ალექსანდრ არუტუნოვი, რუსეთში ერთერთი ყველაზე მოთხოვნადი დიზაინერია. მისი კოლექციის ჩვენებები ლონდონისა და ნიუ-იორკის მოდის კვირეულებზეც იმართება.