„ევრონიუსმა“ საქართველოში ლარის გაუფასურებას სიუჟეტი მიუძღვნა, რომლის მიხედვითაც, „საქართველო ეკონომიკურ მორევში“ იმყოფება.

ჟურნალისტის თქმით, საქართველოში ლარის 20 %-ით გაუფასურებაზე გავლენა, რუსული რუბლის ვარდნამ და უკრაინაში არსებულმა კონფლიქტმაც იქონია.

„ევრონიუსი“ მცირე ბიზნესის მიმართ არსებულ საფრთხეებზე საუბრობს და ერთერთი მაღაზიის მეპატრონის ინტერვიუს გვთავაზობს, რომლის თქმითაც მცირე მოვაჭრეები და მცირე ბიზნესი, „სიკვდილის პირას არიან.“

ცენტრალური ბანკის ყოფილი ხელმძღვანელის, რომან გოცირიძის განცხადებით კი, მთავარი პრობლემა ლიბერალური და დერეგულირებადი პოლიტიკის შეცვლაა. მისი თქმით, ეკონომიკური სირთულეები სახელმწიფოს როლის გაზრდამ გამოიწვია.

„ეკონომიკური სტაგნაცია ცხოვრების ყველა ასპექტს შეეხო, რაც ირაკლი ღარიბაშვილის ხელისუფლების საქმიანობის მიმართ პროტესტს იწვევს. გასულ თვეს, ხელისუფლების გადადგომის მოთხოვნით, ქუჩაში ათობით ათასი ადამიანი გამოვიდა“ - ნათქვამია სიუჟეტში.

ხატია ლაღიძე