აბაშაში მკვლელობა მოხდა. 52 წლის ტოტია მესხია მისივე თოფით მოკლეს, ცხედარი კი კარავში დაწვეს. დამწვარია გარდაცვლილის ფერმაც. წაყვანილია საქონელი.

შემთხვევა 7 თებერვალს მოხდა. ოჯახი ფერმერს ორი დღის განმავლობაში ვერ უკავშირდებოდა, სამშაბათს კი მამაკაცი გარდაცვლილი იპოვეს.

გამოძიებამ 3 პირი დააკავა. დანაშაული ფერმერის 22 წლის თანაშემწემ აღიარა. ოჯახის განცხადებით, მან მესხია კვირას მოკლა. 2 დღის განმავლობაში კი ფერმა გაქურდა. დადგენილია სასაკლაოც, სადაც მოხდა საქონლის ჩაბარება.

ოჯახის წევრები სასტიკი მკვლელობის დეტალებს ჰყვებიან.

„მოკლულს არც თავი ქონდა, არც ხელები და არც ფეხები. მარტო ნაწლავები და ნეკნები უჩანდა. ცხედარს ძაღლები და კატები ჭამდნენ,“ – აცხადებენ ოჯახის წევრები, რომლებიც მკვლელობაში მონაწილე სამივე პირის დასჯას ითხოვენ.

დაკავებულთაგან 2 ამ დროისთვის გათავისუფლებულია. შსს-ს ინფორმაციით, მკვლელობის, ქურდობისა და სხვისი ნივთის დაზიანების ბრალდებით ერთი პირია დაკავებული.

წყარო: http://kutaisitoday.com/