15 აპრილს, ევროპარლამენტმა რეზოლუცია მიიღო, რომლითაც ოსმალეთის იმპერიის დროს 1.5 მილიონი სომეხის მკვლელობას გენოციდი უწოდა.

დოკუმენტს, ევროპელი კანონმდებლობის აბსოლუტურმა უმრავლესობამ დაუჭირა მხარი.

„ის ტრაგიკული მოვლენები, რომელსაც ოსმალეთის იმპერიაში სომხების მიმართ 1915-1917 წლებში ჰქონდა ადგილი, გენოციდია“ - ნათქვამია რეზოლუციაში.

რეზოლუცია, თურქეთს სომხების გენოციდის აღიარებისკენ და ამით, ორ ქვეყანას შორის ურთიერთობის ნორმალიზებისკენ მოუწოდებს.

თურქეთის პრეზიდენტმა, რეჯებ ტაიპ ერდოღანმა, კენჭისყრის დაწყებამდე განაცხადა, რომ რეზოლუციის მიღების შემთხვევაში, ანკარა მის იგნორირებას მოახდენდა. რეზოლუციის მიღების შემდეგ, თურქეთის საგარეო საქმეთა მინისტრმა, ევროპარლამენტი ისტორიის გადაწერის მცდელობაში დაადანაშაულა.

სომხეთის საგარეო საქმეთა მინისტრის განცხადებით კი, ეს ადამიანის უფლებების დაცვის სფეროში, დიდი წინგადადგმული ნაბიჯია.

ხატია ლაღიძე