ადვოკატი ოთო კახიძე არასწორს უწოდებს პროკურატურის მიერ გავრცელებულ ინფორმაციას, რომ ზურაბ ადეიშვილი ინტერპოლის ძებნილთა სიიდან ლტოლვილის სტატუსის გამო ამოიღეს.

მისი თქმით, ლტოლვილის სტატუსი ადეიშვილს იმ დროსაც ჰქონდა, როდესაც ის ძებნილთა სიაში ჩასვეს.

„პროკურატურის განცხადება, რომ თითქოს ადეიშვილი ძებნილთა სიიდან ლტოლვილის სტატუსის გამო მოიხსნა, არასწორია. მინდა გითხრათ, რომ როდესაც მოხდა თავდაპირველად ცირკულარზე ადეიშვილის დასმა, მას უკვე ჰქონდა ლტოლვილის სტატუსი. მესმის, რომ პროკურატურა უხერხულ მდგომარეობაში. ბიძინა ივანიშვილის დავალებით მიმდინარე სისხლის სამართლის საქმეებში ერთ-ერთი მთავარი პერსონაჟზე იუსტიციის მინისტრზე ინტერპოლმა მიიჩნია, რომ არასაკმარისია მის მიმართ მტკიცებულებები და მის მიმართ სისხლის სამართლებრივი დევნა შეიძლება პოლიტიკურ დევნას უკავშირდებოდეს“, - განაცხადა კახიძემ.