შს მინისტრის მოადგილის ლევან იზორიას თქმით, პანკისის ხეობიდან ორი მოსწავლის სირიაში გამგზავრების საკითხთან დაკავშირებით მოკვლევა დასრულებულია.

მისივე ინფორმაციით, მოკვლების შედეგები უახლოეს დღეებში გახდება ცნობილი.

ეს განცხადება იზორიამ პარლამენტში პლენარულ სხდომაზე განაცხადა, სადაც დეპუტატები "სისხლის სამართლის კოდექსში" დაგეგმილ ცვლილებებს იხილავდნენ, რომლის თანახმად, უცხო ქვეყნის ტერიტორიაზე უკანონო ფორმირებებში გაერთიანება სისხლის სამართლის წესით დასჯადი იქნება.